PRESENTACIÓN

Esti muséu de sitiu, abiertu al públicu en 2007, forma parte de los Museos Arqueolóxicos de Xixón, xunto col Muséu de les Termes Romanes de Campu Valdés, el Parque Arqueolóxicu-Natural de la Campa Torres y el Centru d'Interpretación de la Torre'l Reló.

La villa de Veranes, dende vieyo "Torrexón de San Pedro", tien una hectárea d'estensión nel sitiu conocíu como "Venta de Veranes" (parroquia de L'Abadía de Cenero); a doce quilómetros de Xixón. Asítiase nuna vertiente a media lladera, a unos 150 metros sol nivel del mar y alcuéntrase afincada na Ruta de la Plata al so pasu pol conceyu de Xixón.

Asitiamientu de la Villa Romana de Veranes [43,65 Kb]

LA ESCAVACIÓN

Son poques les referencies de la dómina moderna y medieval sobre Veranes. L'interés científicu pol yacimientu arranca nos entamos del sieglu XX tres el trabayu del párrocu de L'Abadía Cenero, Manuel Valdés Gutiérrez. Dempués de dellos estudios fechos a lo llargo'l s. XX por autores como Pedro Hurlé Manso y Joaquín Manzanares la importancia de la dómina romana de Veranes foi sorrayada nos entamos de 1980 por Carmen Fernández Ochoa.

En 1982 aníciase una nueva estaya nel marcu del Proyeutu Xixón d'Escavaciones Arqueolóxiques y ente 1983 y 1987 fáense cuatro campañes d'escavaciones dirixíes por Lauro Olmo.

Los trabayos arqueolóxicos reanudáronse, baxo la direición de Carmen Fernández Ochoa y Fernando Gil Sandino, en 1997, dientro d'un nuevu proyeutu sofitáu pol Ayuntamientu de Xixón col títulu Arqueología e Historia de la Ruta de la Plata en el Concejo de Gijón.

QUÉ YE UNA VILLA ROMANA

Una villa romana ye una esplotación agropecuaria con dos zones dixebraes: la residencial o pars urbana y la pars rustica. Na primera vive'l señor de la villa (pater familias o dominus) y na segunda tan los espacios que valíen pal usu del fondus, que ye'l territoriu que-y pertenez al propietariu de la villa que suel axuntar grandes posesiones de tierra formando un latifundiu.

Los restos arqueolóxicos qu'anguaño puen visitase en Veranes, pertenecen a la pars urbana d'un gran asitiamientu de tipu villa, llevantada nel Baxu Imperiu (s. IV d. C.) sobro les primitives ruines d'un asentamientu rústicu altoimperial d'importancia bultable. Esta gran casa señorial, que pertenez a un notable propietariu, nomáu de xuru Veranius, presenta tres etapes de reforma y ampliación arquitectónica que se desarrollen a lo llargo'l sieglu IV d. C. La casona siguirá n'usu hasta'l sieglu V d. C.

VISITA AL MUSÉU

Al muséu de la villa romana de Veranes pásase al traviés d'un edificiu de receición que fai de puerta d'entrada a los restos de la villa romana onde hai un estragal, una sala d'audiovisuales, una sala d'esposiciones y un conxuntu d'espacios de servicios pa tol edificiu.

Nel camín que va a les ruines, y un poco enantes d'abandonar dafechu l'edificiu de receición, el visitante pue vese una zona axardinada onde se reproducen dalgunes especies documentaes nes escavaciones, como'l cereal y la vide.

La visita al yacimientu faese al traviés d'un camín que baxa hasta'l monumentu. Esti accesu ta pensáu pa facer fácil la visita al mayor númberu posible de visitantes y pa poder ver con más procuru los restos arqueolóxicos.

La visita a los restos arqueolóxicos de la villa entama al traviés d'un camín con estremaos puntos d'observación que nos averen a les sos estancies. Dalguna d'estes sales conserven parte del so suelu orixinal. De toos ellos rescampla'l mosaicu policromu de la estancia de representación (oecus), protexíu por una cubierta que recuerda'l volume que tuvo'l cuartu nel so orixen.

P'ayudar a la meyor comprensión de los restos, puen usase tamién les videoguíes que tán a disposición na receición del Muséu, que reproducen y recreen el volume de caúna de les zones de la ruina seleicionaes nos puntos d'observación.

ACCESU

Entrada según tarifa vixente. Los domingos la entrada ye de baldre.

El muséu tará peslláu:

• 1 de Enero

• 6 de xineru

• Martes d'Antroxu

• 1 de mayu

• 15 d'agostu

• 24,25 y 31 d'avientu

HORARIOS

• Xineru, febreru, marzu, abril, ochobre, payares y avientu

  • Martes a vienres

    • 10:00 a 17:00 hores

  • Sábados, Domingos y Fiestes

    • 11:00 a 18:00 horas

• Mayu, xunu, xunetu, agostu y setiembre

  • Martes a vienres

    • 10:00 a 20:00 hores

  • Sábados, Domingos y Fiestes

    • 11:00 a 20:00 hores

TARIFES ENTRADA MUSEOS 2007

Entrada de baldre pa:

• Les persones necesaries pa la visita de persones discapacitaes.

• Educadores. Los/les acompañantes de grupos escolares en visita concertada.

• Guíes turísticos nel exerciciu de les sos funciones.

• Menores de 6 años.

• Socios del Conseyu Internacional del Muséu(I.C.O.M.).

• Les persones que presenten la tarxeta turística de Xixón, Gijón CARD.

ENTRADA INDIVIDUAL

Tarifas

• Entrada individual p'adultos mayores de 16 años: 2,40 €

• Entrada individual p'adultos mayores de 16 años, en campañes de promoción turística promovides pola Sociedá Mista de Turismu de Xixón, S.A. o otres derivaes de convenios promocionales con empreses y entidaes: 1,35€

• Entrada reducida individual xubilaos, neños/es menores de 16 años, carné d'estudiante, carné xoven, grupos (10 ó más persones) y grupos familiares: 1,40€

BONU D'ENTRADA PA TRES MUSEOS

• Termes Romanes de Campu Valdés

• Parque Arqueolóxicu-Natural de la Campa Torres

• Villa Romana de Veranes

Tarifas

• Bonu d'entrada individual a tres museos p'adultos mayores de 16 años:4 ,20€

• Bonu d'entrada reducida a tres museos pa xubilaos, neños/es menores de 16 años, carné d'estudiante y carné xoven; grupos (10 ó más persones) y grupos familiares debidamente acreditados: 2,05€

BONU D'ENTRADA PA CINCO MUSEOS

• Muséu del Ferrocarril d'Asturies

• Termes Romanes de Campu Valdés

• Parque Arqueolóxicu-Natural de la Campa Torres

• Villa Romana de Veranes y Muséu del Pueblu d'Asturies

Tarifas

• Bonu d'entrada individual a cinco museos p'adultos mayores de 16 años: 7,10 €

• Bonu d'entrada reducida a cinco museos pa entrada individual de xubilaos, neños/es menores de 16 años, carné d'estudiante y carné xoven, grupos(10 ó más persones) y grupos familiares: 3,50 €

SERVICIOS

Guardarropa

Visites guiaes solicitándoles enantes per teléfonu o corréu electrónicu (dende 10 persones hasta 25). Pagando un suplementu de 1 € por persona

Programes didáuticos pa públicu infantil: El muséu fai talleres y percorríos didáuticos pa neños/es. Más información nel muséu.

Videuguíes: si quier facer el percorríu coles videuguíes, pue recoyeles nel mostrador de receición, pagando'l suplementu de 1,60 €( 1€ si tien la tarxeta turística de Xixón)

Venta de publicaciones

Atención a les persones con dificultaes de movilidá. Tien ramples, baños especiales y sielles de ruedes pa los visitantes que lo quieran.

La visita al yacimientu pue facese en siella de ruedes nos caminos preparaos pa ello.

• Programes Educativos

• Museos de Xixón n'asturianu

• Información de los museos de Xixón

Fundación Metal Asturias

Direición: C./Juan de la Cosa, 27
Teléfonu Principal: 985 99 00 20
Fax: 985 99 00 18
Páxina WEB: http://www.fundacionmetal.org
Corréu electrónicu: info@fundacionmetal.org
Códigu Postal: 33393

Ver [Fundación Metal Asturias]